Futbollisti i Sitit jep lajmin e hidhur, babai i tij ndërroi jetë disa minuta pasi shënoi gol në Champions

Panorama Sport | Lajmet e fundit nga sporti

Postuar: Shtator 16, 2021 | 17:37


Futbollisti i Sitit jep lajmin e hidhur, babai i tij ndërroi jetë disa minuta pasi shënoi gol në Champions

Një histori sa e pabesueshme aq dhe e dhimbshme i ka ndodhur futbollistit të Mançester Sitit, Xhonatan Ake.

xhonatan ake

Qendërmbrojtësi u bë protagonist në sfidën ndaj Lajpcig mbrëmjen e djeshme duke shënuar një nga 6 golat e ‘’qytetarëve’’. Por e papritura është se babai i Ake ka ndërruar jetë vetëm disa minuta pasi djali tij realizoi golin e parë në Ligën e Kampionëve. Këtë gjë e ka rrëfyer vetë futbollisti në një postim në faqen e tij në ‘’Instagram’’ duke prekur të gjithë.

‘’Javët e fundit kanë qenë më të vështirat e jetë time. Babai im ishte shumë sëmurë dhe nuk mund të mjekohej më. Ai ishte me fat që pati mbështetjen e gruas, familjes dhe shokëve.

Dje, pas një kohe të vështirë shënova golin e parë në Champions, dhe disa minuta mbrapa babai im ndërroi jetë. Ndoshta ishte e shkruar të ndodhte, ishte kënaqësi e madhe për të sa herë unë luaja. E di që do të jetë gjithmonë me mua në zemrën time, kjo ishte për ty babi’’, shkroi Ake.

ake

Menjëherë në drejtim të futbollistit kanë vërshuar një lumë mesazhesh ngushëllimi duke i dhënë përkrahje.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/