Futbollisti belg i PSG-së Tomas Mënie nuk i frikësohet sulmuesit të talentuar Erling Haland.

Mbrojtësi i kampionëve të Francës shton se nuk e njeh në veccanti 19-vjeçarin norvegjez, i cili ka realizuar 8 gola në 4 ndeshjet e para në kampionatin gjerman.

“A frikësohem unë prej tij? Nuk e njoh .Ka vërtet statistika shumë pozitive, tregon se Dortmundi ka sulm të fortë, por janë dhe një skuadër që pësojnë shumë gola”, u shpreh futbollisti i PSG-së pas fitores së fundit kundër Nantës me rezultatin 2-1.

PSG-ja dhe Borusia Dortmundi do të përballen në 18 shkurt në kuadër të fazës së 1/8-ve të Ligës së Kampioneve.

PANORAMASPORT.AL

NDIQE LIVE "PANORAMA TV"

---