“Futbolli nuk është prioritet, do të luajmë kur të jemi të sigurtë”, FIFA largon presionin

Panorama Sport | Lajmet e fundit nga sporti

Postuar: Prill 9, 2020 | 11:14

“Futbolli nuk është prioritet, do të luajmë kur të jemi të sigurtë”, FIFA largon presionin

Ndryshe nga UEFA që është e shqetësuar për kalendarët dhe me një presion të moderuar ndaj Ligave dhe Federatave kërkon mbylljen e sezonit, në FIFA duken më koherentë me situatën alarmante që shoqëron pandeminë e Covid-19. Me anë të presidentit Xhani Infantino, qeveria botërore e futbollit nuk vendos limite.

fifa

“Në këtë moment futbolli nuk është prioritet. Nuk duhët të vendosim askënd në presion. Derisa të ketë rrezik nuk duhet të luajmë. Nëse duhet të presim do ta bëjmë”, ka thënë Infantino, që më pas prek edhe situatën e vështirë sanitare në të gjithë botën.

“Ka njerëz që vuajnë dhe njërëz që vdesin. Po ashtu, shohim që shumë të tjerë nuk e kanë kuptuar mirë situatën. Heronjtë e vërtetë janë mjekët. Kjo është si luftë”, ka vijuar presidenti i FIFA-s. Infantino kthehet sërish të flasë për futbollin, duke forcuar linjën e institucionit që drejton.

“Duam të kthehemi të luajmë, por tani prioritet është shëndeti. Në historinë tonë si të apasionuar, për herë të parë futbolli nuk është prioritet. E triushtueshme, por e vërtetë. Kalendari? Pyetje e bukur. Nuk mund të vemë në rrezik jetën e njerëzve për një ndeshje futbolli. Do të luajmë kur të mundemi, ndoshta në korrik, ndoshta në gusht”, është shprehur Infantino.

PANORAMASPORT.AL

NDIQE LIVE "PANORAMA TV"