Qëndron edhe ai në vend, i izoluar, në pritje që aktivitetet të rinisin. Nuk mund të bëjë gjë tjetër, ashtu si mijëra sportistë të cilëve po u kërkohet të presin një ditë që kushedi kur do të vijë. Për Stefano Sensin, vendi i karantinimit është shtëpia e tij në Milano, pranë selisë së re të Interit që u inaugurua verën e kaluar, kur Sasuoo i huazoi kartonin klubit të Stiven Zhang. Nga banesa e tij mesfushori ka dhënë një intervistë për italianen “Repubblica”.

Ju mungon futbolli?

Është jeta ime, por tani nuk është momenti për ta menduar. Ka prioritete të tjera, po e bisedojmë edhe mes shokëve në “chat”-in e skuadrës.

Stërvitjet në izolim janë vërtet aq të rënda sa i tregoni në rrjetet sociale?

Programi është i ngjashëm me atë që ndjekim në “Appiano”. Mbajmë të larta rrahjet e zemrës. Ndryshimi është topi, që nuk po prek kurrë.

Çfarë raporti keni me Konten?

Të shkëlqyer. Ka më shumë humor nga se mund të mendohet. Dhe i drejtpërdrejtë, diçka që adhuroj. Me disa nga ne, përfshi mua, ka sjellje prindërore.

Sezoni juaj tek Interi nisi fortë, më patët një seri dëmtimesh. Jeni akoma lojtari i nëntorit?

Sot jam gati. Ose më saktë do të isha. Në këtë moment mendoj se arsyetimi vlen për të gjithë.

Keni mësuar ndonjë gjë në këto ditë izolimi?

Të gatuaj. Xhulia, e dashura ime, është diblomuar në Institutin e Kulinarisë. Po mësoj të gatuaj peshk, mish dhe petulla për mëngjes.

Ljuis Hemilton refuzoi tamponin, duke u shprehur se nuk është e drejtë ta bëjnë sportistët nëse nuk ka për mjekë e infermierë.

Jam dakord. Testet u nevojiten atyre që ndihen keq.

Kur e kuptuat që futbolli do të ishte jeta juaj?

Te Çezena, në Serinë B, sepse atje nisa të shoh ëndrrën nga pranë.

Ke luajtur role të tjera përveç mesfushorit?

I vogël këmbëngulja të luaja në portë, por herën e parë që trajneri më provoi jashtë nuk më vendosi kurrë mes shtyllave. Idhulli im u bë Ksavi, studioja videot e tij. Kur më krahasojnë me të emocionohem.

Si futbollist çfarë do të dëshiroje të përmirësoje?

Vizionin periferik. Atë lëvizje të shpejtë të syve që të lejon të kuptosh zhvillimin e aksionit dhe të bësh pasimin e duhur. Një dhunti e vështirë për t’u përmirësuar, por po punoj.

Me ardhjen e Eriksenit në skuadër, që luan në të njëjtin rol me ju, hapësirat janë reduktuar…

Po, por një skuadër e madhe duhet të ketë më shumë se një lojtar për pozicion. Kristiani ka luajtur në nivele të mëdha, do të na japë një dorë të madhe.

Ëndrrat e juaja?

Të fitoj me Interin, që është shtëpia ime. Të luaj Europianin e 2021-shit. Dhe një familje të madhe.

Përgatiti: LEDIO NASE-PANORAMASPORT.AL

NDIQE LIVE "PANORAMA TV"

---