Fusha është në kushte të shkëlqyera, te Devolli duan fitore me lojë të bukur
Devolli, pas barazimit 1-1 në fushën e Shënkollit, synon vetëm fitoren në ndeshjen e sotme me Ilirinë. Trajneri Festim Fetollari, pas stërvitjes së fundit, ka folur me të tijtë për këtë ndeshje në shtëpi, që, sipas tij, duhet kaluar me sukses të plotë.
Devolli ka një grup lojtarësh me kualitet dhe trajneri pogradecar shpesh vihet në pozita të vështira për të përzgjedhur 11-shen titullare. Mungon sot vetëm Rapo, i cili ka pasur një problem muskulor. Nga Devolli pritet jo vetëm fitorja, por edhe një lojë e bukur dhe bindëse.
Fusha e stadiumit të Bilishtit është në kushte të shkëlqyera dhe pritet që futbollistët të shprehin gjithë potencialin e tyre teknik në këtë 90-minutësh. Klubi, ndërkohë, ka marrë masat e duhura organizative për ndeshjen e parë pas ndërprerjes, duke zbatuar me rigorozitet protokollin e rregullave të reja.
Thanas Gjata
NDIQE LIVE "PANORAMA TV"