Fundjava që lamë pas ishte tepër pozitive për lojtarët shqiptarë në Europë, të cilët kanë kryer paraqitje pozitive me klubet e tyre.

Faqja e specializuar e statistikave “Sofa Score”, ka pikasur disa nga lojtarët që kanë shkëlqyer në këtë fundjavë.

I pari në këtë klasifikim i cili vlerësohet me notën më të lartë, 7,6 është portieri i Kombëtares shqiptare, Gentian Selmani i cili me skuadrën e tij Boluspor ka arritur të trimfojë në Ligën e Dytë turke me rezultatin 2-0 ndaj Kocaelispor duke mbajtur dhe portën e paprekur.

I dyti renditet, Arbnor Muçolli i cili vlerësohet me notën 7,5 falë paraqitjes së tij të mirë edhe pse ekipi i tij u mund 1-0 nga Aarhus në Superligën daneze.

I treti renditet Emir Sahiti i cili vlerësohet e notën 7,4, ku spikati me paraqitjen e tij me Hajdukun e Splitit me fitoren 1-3 ndaj Istras në transfertë.

I katërti është fantazisti i Kombëtares shqiptare, Nedim Bajrami i cili vlerësohet me notën 7,4 ku arriti të realizojë një gol me penallti në humbjen ku Empoli e pësoi në shtëpi ndaj Venecias me rezultatin 1-2.

I pesti klasifikohet Laorent Shabani i cili vlerësohet me notën 7,4 duke kryer një paraqitje fantastike me ekipin e tij Sirius në Suedi duke mposhtur minimalisht në shtëpi 1-0 Ostersundsin.

VLERËSIMI I LEGJIONARËVE SIPAS “SOFA SCORE” –

PANORAMASPORT.AL

NDIQE LIVE "PANORAMA TV"

---