FOTOT/ Moderatorja sportive: Emisioni që më futi në botën e basteve, shumat që fitoja si eksperte e vërtetë

Panorama Sport | Lajmet e fundit nga bota e sportit

Postuar: Nëntor 24, 2019 | 15:38


FOTOT/ Moderatorja sportive: Emisioni që më futi në botën e basteve, shumat që fitoja si eksperte e vërtetë

Klotilda Harka/ Pesë vite më parë, modelja Gea Braha preku botën e televizionit si velina brune e programit investigativ “Fiks Fare”, një eksperiencë që i hapi rrugën e karrierës në ekran si gazetare sporti e po së njëjtës media. Brunia e diplomuar në degën Financë-Bankë, në jetë bën llogari vetëm si të jetë e lumtur, ndaj po i mendon mirë ofertat që po i bëhen në fushën e modës dhe kinemasë. 

Si gazetare sporti e ish-moderatore e “Bar Skedina”, ajo së fundi u bë protagoniste e mediave të huaja për propozimin e pazakontë që mori në stadium nga një tifoz, i cili iu ul në gjunjë me unazën në duar. Nga propozimi kur intervistonte futbollistët, tek imagjinata që ka për propozimin e jetës me mashkullin e duhur, Gea i zbulon në këtë intervistë për “Panorama Plus”.

Bashkë me famën që mori në televizion, ajo flet edhe për bastet që vinte kur prezantonte “Bar Skedina” dhe paratë që fitonte…

“Mora një propozim për martesë gjatë punës”, ishte postimi yt i disa javëve më parë, që tërhoqi vëmendjen në lidhje me ç’ndodh në stadium me një gazetare sporti që bie në sy. Me shaka apo jo, mendon se erdhi në momentin e gabuar ky propozim? 

Ishte moment shumë i lezetshëm, por shumë i papritur, siç duket dhe në video. U bë shumë “funny” sepse më gjetën të “papërgatitur” (qesh) Ndërkohë isha duke punuar dhe më flisnin në kufje vazhdimisht, kështu që e humba si moment. (qesh)

Nga puna si velinë në program investigativ të kemi parë edhe në stadium pranë futbollistëve. Të është dukur e vështirë kjo puna e gazetares së terrenit, ndëra je rrethuar nga tifozë jo vetëm pasionantë, por dhe të irrituar? 

Jo, aspak. Kur je në stadium, e ndien edhe më shumë atmosferën. S’diskutohet që ka përgjegjësinë e vet, por nuk do të thoja e vështirë.

Ke qenë ndonjëherë dëshmitare e një konflikti në stadium? 

Uroj vetëm që situata të tilla të mos përsëriten asnjëherë në një ndeshje futbolli.

Dihet që prezantoje “Bar skedina”. Po ti vetë, vendosje baste? 

Po, dhe jo vetëm kaq, sepse u bëra eksperte. (qesh) U mësova sigurisht nga formati dhe pati një periudhë që po fitoja shumë shpesh madje. (qesh)

Me format seksi, mendon se je një imazh tundues për publikun mashkullor që dominon audiencën e sportit? 

Ja, ju si mendoni? (qesh) Fiziku është një dhuratë nga natyra, por më vjen mirë sepse shoh që bie në sy edhe për cilësi të tjera gjithashtu.

Ke marrë ndonjë propozim në modë apo kinema dhe cilës ofertë do t’i thuash me plot bindjen “po”? 

Po, madje kam marrë shumë. Por i shoh me kujdes, pasi duhet të jenë dhe bindëse.

Nëse do të kishte diçka që ia vlen, pse jo?!

Je e dashuruar aq shumë sa të zbulosh me zë të lartë statusin shpirtëror? 

Kaq shpesh sa më bëhet kjo pyetje, besoj se të gjithë e dinë përgjigjen që kam tani.

Duke marrë shkas nga propozimi në stadium, cili do të ishte propozimi i ëndërruar për martesë në imagjinatën tënde? 

S’e di. Nuk kam bërë ndonjëherë një skenar se si mund të ishte, por them se nëse vjen nga personi i duhur, është gjithmonë i veçantë.

Çfarë mund të arrish në jetë, në mënyrë që ta konsiderosh golin e madh të jetës? 

Të jem e realizuar dhe e lumtur gjithmonë. Lumturia është më e rëndësishmja.

gea-braha-6

 




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com