Albi Doka, mbrojtësi i krahut të djathtë i Tiranës, i është përgjigjur pyetjeve të ndjekësave të tij në Instagram, ndër të cilët Kejdi Bare dhe Kristal Abazaj.

Mesfushori i Malagas, Keidi Bare e ka pyetur në lidhje me mundësinë e kalimit te Partizani, por Doka iu përgjigj me stil duke i thënë sa të bukur e ke fanellën e ekipit (Malaga e ka uniformën bardheblu ashtu si ekipi i Tiranës).

Pyetjes së një ndjekësi anonim se cila është gjëja që e bën më të lumtur, 22 vjeçari iu përgjigj duke thënë titulli kampion me ekipin e tij.

Kristal Abazaj, mesfushori i Kukësit dhe shoku i tij më i ngushtë, u tall me të duke i thënë se kampionatin mund ta fitojë por vitin tjetër. Doka iu përgjigj me një pyetje: “Akoma ke shpresa ti byrazeri im?”

 

 

PANORAMASPORT.AL

NDIQE LIVE "PANORAMA TV"

---