Një sportiste ka vendosur të gjejë një rrugë të mesëm midis pasionit të saj për hokein dhe fëmijës së saj. Sarah Small, një lojtar hokei e ekipit, Grande Prairie në Kanada ka vendosur të marrë vajzën e saj dymuajshe në ndeshje dhe në pushimin midis pjesëve t’i japë gji vajzës së saj.

Ajo ndoqi këshillën e mjekut të saj që i tha: “bëj gjithçka që dëshiron të bësh me foshnjën tënde në krah”.

Sportistja ka marrë këtë vendim dhe vendosi që foton ku ajo i jepte gji fëmijës ta postonte në rrjetet sociale, për tu bërë një simbol i nënave që duan të ndjekin ëndrrat e tyre në sport.

Ajo e postoi foton në “Facebook” për të promovuar gjidhënien dhe shkruajti: “I publikova fotot teksa ushqeja me qumësht gjiri foshnjën time, sepse doja që kjo të konsiderohej gjëja më normale, e sigurisht për të treguar se çdo nënë mund ta bëjë kudo e kurdo”.

Komentet te fotoja ishin të shumta që e lavdëronin sportisten për vendimin që kishte marrë, por kishte edhe nga ata që e kritikonin.

NDIQE LIVE "PANORAMA TV"

---