FOTOLAJM/ Nimaga njofton personalisht largimin e tij: Falenderoj nga zemra “Ujqërit e Dëborës”
Bakari Nimaga e ka njoftuar tashmë publikisht largimin e tij nga skuadra e Skënderbeut. Ai e ka bërë këtë njoftim nëpërmjet një postimi në rrjetin social “Instagram” teksa shkruan:
“Ekipi i ri, sfida të reja. Si fillim falënderoj Zotin e më pas familjen e madhe të Skënderbeut, presidentin dhe familjes e tij, stafit, shokëve të ekipit dhe të gjithë ata me të cilët punova gjatë asaj kohe. Falënderoj tifozët më të mirë në Shqipëri, “Ujqërit e Dëborës”, dua vetëm të them falënderime të mëdha nga thellësia e zemrës. Ka mësuar shumë gjatë gjithë kësaj kohe dhe nuk doja që të përfundonte kështu, por nga njëherë në jetë, duhet që të bëjmë zgjedhje. Falënderime të mëdha për qytetin e Korçës, për qytetarët e Shqipërisë. Uroj vetëm më të mirat në të ardhmen për ekipin. Falënderoj edhe skuadrën time të re, që më besoi dhe premtoj se do të jap më të mirën”.
