Të shumtë janë njerëzit që janë izoluar në shtëpitë e tyre në këto ditë të vështira nga Koronavirusi, teksa përjashtim nuk bëjnë as futbollistët.  

Një ngushëllim për shumë njerëz, padyshim është “playstation”, ku ata luajnë FIFA Online. Të njëjtën gjë ka bërë ditën e djeshme edhe sulmuesi i Tiranës, Majkëll Ngo.

Ky i fundit ka bërë një ndeshje me shokun e tij të ngushtë që luan për Mançester Sitin, Rrahim Stërling. Sulmuesi i Tiranës e ka mposhtur atë të Sitit, teksa nuk ka nguruar edhe të tallet me të.

Ngo ka postuar foton ku e ka mposhtur 3-1 Stërlingun dhe i bën pyetjen nëse luajti ai apo djali i tij: “Po luaje ti apo Tiago”, shkruan lojtari bardheblu.

PANORAMASPORT.AL

NDIQE LIVE "PANORAMA TV"

---