Postuar: Shtator 5, 2018 | 22:50
FOTOLAJM/ Në stërvitje me sy të nxirë, Ronaldo vazhdon stërvitjen për… golin e parë
Kristiano Ronaldo ka vendosur të mos i bashkohet kombëtares së Portugalisë për Ligën e Kombeve, por vazhdon përgatitjet me Juventusin në qendrën stërvitore. Por, ditën e sotme, ai është kapur nga gazetarët e pranishëm në fushën e stërvitjes, përsëri me syrin e majtë të nxirë.
Pikërisht, diçka e tillë ka tërhequr vëmendjen e të pranishmëve. E nxira vjen nga një përplasje në ndeshjen e fundjavës në stadiumin “Tardini” të Parmës, që ende nuk i ka ikur. Gjithsesi, një problem i tillë nuk e ka penguar aspak 5-herë fituesin e Topit të Artë, që duket më i përqendruar se kurrë për aventurën me Juventusin, teksa edhe ende nuk ka shënuar golin e parë zyrtar.
NDIQE LIVE "PANORAMA TV"