FOTOLAJM/ “Luftëtari gjithmonë në zemrën time”, Kristal Abazaj me mesazh special për ish-skuadrën
Për Kristal Abazajn, skuadra e Luftëtarit ka një domethënie të veçantë. Mesfushori i skuadrës së kategorisë së dytë të futbollit turk, Istanbulsporit, publikoi një foto në rrjetin social “Instagram” të kohës kur luante për ngjyrat zikaltër të klubit gjirokastrit.
“Luftëtari gjithmonë në zemrën time”, shkruan anësori i djathtë 24-vjeçar.
Në dy sezone me ekipin gjirokastrit, Abazaj realizoi 16 gola në 67 ndeshje. Ai formoi bërthamën e skuadrës së bashku me Dejvi Bregun, Eduart Rrocën, Albano Aleksin etj, duke arritur ta çonin ekipin për herë të parë në histori në kompeticionet europiane të futbollit.
Ky mesazh i Abazajt vjen si mbështetje për Luftëtarin në një moment kritik për klubin, që thuajse është shkrirë dhe pritet të mos marrë pjesë këtë sezon në Kategorinë e Parë
PANORAMASPORT.AL