FOTO/ Tifozi anglez mban premtimin e “çmendur”, shikoni çfarë i bën trupit të tij për kombëtaren
Edhe pse nisej si pretendente në fillim të Botërorit, të shumtë ishin skeptikët që nuk e besonin se Anglia do të arrinte deri në çerekfinalet e këtij kompeticioni.
Edhe një i ri britanik, i quajtur Den Uelç, mbajti premtimin e bërë, në rast se Anglia do të arrinte deri tek 8 më të mirat e Kupës së Botës. Ai kishte premtuar se do i bënte tatuazh të 23 emrat e futbollistëve anglezë, dhe diçka të tillë e ka treguar vetë në Tëitter, pasi i kishte shkruajtur emrat e lojtarëve.
“E di që do humbas, por nëse Anglia shkon në çerekfinale, do i bëj tatuazh emrat e 23 lojtarëve në trupin tim” – shkruante që në muajin Maj tifozi britanik. Dje, bashkë me statusin e postuar muaj më parë, tifozi kishte postuar edhe foton që dukej tatuazhi i ri, dhe shkruante: “E mbajta premtimin, e dashuroj!”
