Partizani-Teuta është sfida hapëse e javës se 10-të të “Abissnet Superiores”.

Ky takim pritet me mjaft interes për vetë faktin se të dyja skuadrat nuk po kalojnë një moment të mirë, por njëra prej tyre shpreson të marrë një fitore që do ta nxirrte nga kriza.

Sfida do të luhet në “Elbasan Arena”, duke zbehur mundësinë për prezencë masive të tifozëve. Por pak para ndeshjes, ka nisur një shi rrebesh që nuk po ndalet.

Situata për momentin nuk duket aspak komode, pasi një ndeshje e rëndësishme si kjo, pritet të luhet në kushte jo të favorshme atmosferike.

Nuk dihet nëse do të ketë një vendim ekstrem për fatin e ndeshjes, por për momentin është vendosur që skuadrat të zbresin në fushë.

PANORAMASPORT.AL

NDIQE LIVE "PANORAMA TV"

---