Postuar: Nëntor 25, 2017 | 16:46
FOTO/ Sherr mes tifozëve të Kukësit dhe Laçit, i plagosur edhe mbrojtësi Albi Alla
Ndeshja mes Kukësit dhe Laçit, përveç tensionit që pati brenda fushës, ka vijuar me përleshjet edhe pas përfundimit. Siç raportohet, pas mbylljes së takimit, tifozët kurbinas kanë sulmuar grupin e tifozëve të Kukësit, që kishin udhëtuar për të mbështetur ekipin.
Grupet kanë goditur njëra-tjetrën me sende të forta, dhe raportohet se ka të lënduar nga të dy tifozeritë. Kujtojmë që edhe gjatë ndeshjes, dy futbollistë të Kukësit, Idrizi dhe Kale, u goditën dy herë nga tifozët vendas, me çakmak dhe sende të tjera të forta.
Klubi i Kukësit deklaron, se mes të dëmtuarve, është edhe mbrojtësi Albi Alla, i cili është goditur nga tifozët kurbinas.
NDIQE LIVE "PANORAMA TV"