Stadiumi “Air Albania” ka pritur në mbrëmjen e të enjtes një aktivitet historik ndërkombëtar, duelin e radhës të Florian Markut i cili mposhti me pikë boksierin Miguel Parra Ramirez. Në vendin tonë nuk ishte zhvilluar kurrë një ndeshje e përmasave të tilla dhe “Air Albania”, i cili ishte mbyllur prej rreth një muaji për aktivitetet futbollistike, u rihap vetëm për këtë sfidë.

Pas duelit, ka filluar kthimi në normalitet i impiantit dhe nga fotot e siguruara nga “Panorama Sport”, shihet qartësisht se si janë çmontuar pjesa më e madhe e skelave të ndërtuara rreth ringut për transmetimin, ndriçimin apo sistemin audio.

Ndërkohë, ka mbetur ringu, karriget e vendosura në pjesën e fushës së ”Air Albania” si dhe plehrat që kanë mbetur nga shikuesit të cilët ishin në këto karrige në fushë.

FSHF bëri të ditur rreth një muaj më parë se do të mbyllte impiantin “Air Albania” për ndeshjet futbollistike pasi po rinovonte barin e stadiumit dhe ai do të kthehej përsëri funksional për sfidat e futbollit vetëm për ndeshjen e përfaqësues shqiptare ndaj Islandës në fund të shtatorit.

PANORAMASPORT.AL

NDIQE LIVE "PANORAMA TV"

---