FOTO / Përgjaket Uejn Runi, vetëm i famshmi Martin Atkinson vazhdon të mos shohë asgjë
Vetëm një gjyqtari si Martin Atkinson mund t’i shpëtonte një episod si ai i ndeshjes së sotme mes Everton dhe Bournmuth, ku Uejn Runi përfundoi i përgjakur në fushën e lojës.
Sulmuesi anglez u godit me bërryl gjatë një dyluftimi ajror nga Sajmon Frensis, por për gjyqtarin anglez, të cilin tifozët shqiptarë e kujtojnë nga ndeshja e famshme Serbi-Shqipëri ku ai tentoi të rifillonte takimin në një atmosferë anormale, ndërhyrja ishte e rregullt.
Kjo, pavarësisht faktit se Runi u gjakos në fytyrë pas një çarje që pësoi në vetullën e majtë dhe ia tregoi qartësisht gjyqtarit që mban stemën e FIFA-s.
Sulmuesi u desh që të dilte jashtë fushës së lojës jo vetëm për të marrë mjekim, por edhe për të ndërruar fanellën dhe mbathjet të cilat ishin përgjakur nga dëmtimi i tij.
NDIQE LIVE "PANORAMA TV"