FOTO/ “Na mundën me 17-vjeçarë”, Flamurtari thumbon Tomorin pas fitores: Gjeni ndonjë gjysh për të marrë në ekip
Flamurtari “provokon” Tomorin. Në fakt, jo rastësisht, pasi është ngacmuar nga një postim i bërë në “Facebook”. Edhe pse jo nga faqja zyrtare e beratasve, në të shkruhej: “Flamurtari 3-0 Tomori, turp. 17-vjeçarët e Flamurtarit na bëjnë që të mos kalojmë mesfushën. 90 minuta asnjë rast për të shënuar një gol. Po ky trajner çfarë bën? Turp”.
Klubi vlonjat nuk ka rezistuar dhe është përgjigjur në këtë formë: “Duke iu referuar një ekipi që nuk kujtohet kur ka qenë për herë të fundit në Kategorinë Superiore, i sugjerojmë të mos ofendohet nga humbja me 17- vjeçarët e Flamurtarit, por të shikojë mos gjen ndonjë gjysh tjetër për ta marrë në ekip. Flamurtari është historia. Nuk jemi marrë dhe nuk kemi për t’u marrë asnjëherë me ekipet kundërshtare, por joprofesionalizmi juaj na detyron të reagojmë. Flamurtari dhe Vlora janë krenarë për këta 17- vjeçarët qumështorë sepse sot ju treguan si luhet futboll”.
Reagimi i tifozëve të Tomorit pas humbjes ndaj Flamurtarit 3-0 në fundjavë
Kundërpërgjigjia e Flamurtarit
PANORAMASPORT.AL