FOTO/ Miqësorja me Shqipërinë në Ditën e Pavarësisë, veteranët e Kosovës vizitojnë Vlorën
28-29 nëntori janë ditë simbolike të Shqipërisë që përkojnë me Ditët e Pavarësisë. E nesërmja është një ditë e veçantë, pasi pikërisht në këtë datë është projektuar një sfidë miqësore mes veteranëve të Shqipërisë dhe Kosovës.
Miqësorja do të luhet në kompleksin ‘’Olimpik Park’’ në Durrës dhe në fund fituesi do të marrë një trofe simbolik. Ditën e sotme, skuadra e veteranëve të Kosovës, ka udhëtuar drejt Vlorës për një vizitë në qytetin e Pavarësisë.
Të bashkuar, kanë pozuar në sheshin Pavarësia duke treguar një harmoni përpara festave të mëdha të shqiptarëve. Kjo është miqësorja e tretë për këtë e vit mes veteranëve të Shqipërisë dhe Kosovës.
E para u zhvillua më shkurt në Prishtinë me rastin e Ditës së Pavarësisë së Kosovës, ndërsa e dyta u luajt më 23 korrik 2021 po në Prishtinë me rastin e ditës së lindjes së legjendës së futbollit të Kosovës, Fadil Vokrri.
ERMAL SIKA-PANORAMASPORT.AL
NDIQE LIVE "PANORAMA TV"