FOTO/ I dëmtuar, por bën detyrën e kapitenit, Musolli pret krahëhapur Shehin
Kapiteni i Kukësit Besar Musolli zbarkoi në fushë për të pritur trajnerin e tij të ri Orges Shehi.
Megjithëse i dëmtuar në sy gjatë sfidës së fundit kundër Teutës në Durrës 2-2, 31-vjeçari i ka uruar mirëseardhjen teknikut durrsak, i cili pritet të sjellë kthesën pozitive te verilindorët.
Klubi i Kukësit bën me dije se Musolli do të mungojë për takimin kundër Vllaznisë, ndërsa do të vazhdojë fazën e rikuperimit të plotë për të qenë në dispozicion të skuadrës dhe trajnerit të ri sa më shpejt.
Ai u përplas kokë më kokë me futbollistin e Teutës Vilën gjatë një dyluftimi ajror në takimin e ditës së shtunë. Si pasojë e dëmtimit, ai u transportua me ambulancë në spitalin e Durrësit dhe doli brenda ditës.
PANORAMASPORT.AL
NDIQE LIVE "PANORAMA TV"