Postuar: Tetor 20, 2017 | 12:20
FOTO / Gjakderdhje e frikshme, “luftë” në përballjen e rivalëve të Skënderbeut
Dje në mbrëmje krahas ndeshjes së Skënderbeut ndaj Partizanit të Beogradit, në Kiev luhej takimi tjetër i vlefshëm për Grupin B të Ligës së Europës.
Dinamo e Kievit u nda në një barazim 2-2 me Jang Bojsin, duke lënë çdo gjë të hapur në llogaritë e kualifikimit.
Ndeshja ishte mjaft e luftuar, aq sa futbollisti kroat i Dinamos, Domagoj Vida, pati një çarje të frikshme në kokë e cila i shkaktoi një gjakderdhje të madhe. Pas mjekimit të parë ai u mundua të vazhdonte lojën, por pamjet tregojnë se gjakderdhja ishte e pamundur të frenohej. Ai u zëvendësua në minutën e 80.
