Postuar: Shtator 2, 2018 | 20:41
FOTO/ Festimi me shqiponjë, serbët tërbohen edhe nga Mustafi, ende pa harruar “provokacijan” në Botëror
Shkodran Mustafi, e festoi me shqiponjë golin ditën e sotme, në ndeshjen mes Arsenalit dhe Kardifit, edhe pas asistit që i dha nga goditja e këndit, lojtari tjetër me origjinë shqiptare i “topçinjve”, Granit Xhaka.
Ky gjest duket se ua ka kujtuar mediave serbe hidhërimin dhe tërbimin që e përjetuan nga Xherdan Shaqiri dhe Granit Xhaka, të cilët golat e shënuar në fitoren e Zvicrës i festuan duke e bërë pikërisht shqiponjën dykrenare – atë që ndodhet në flamurin kombëtar shqiptar – këtë verë në Kupën e Botës në Rusi.
Tabloidi serb “Kurir” e ka quajtur skandal dhe provokim festimin e Shkodranit, duke shkruar se shqiptari e bëri atë që dy shqiptarët tjerë e bënë dikur kundër Serbisë.
NDIQE LIVE "PANORAMA TV"