FOTO/ Fanelat e sezonit të ri, Dinamo marrëveshje me kompaninë që bashkëpunon me kombëtaren tonë
Dinamo firmosi marrëveshjen e bashkëpunimit me firmën e veshjeve sportive “Macron”, e cila garanton veshjen dhe të lojtarëve te kombëtarja e Shqipërisë.
Në të njëjtën, 18-herë kampionët e vendit zbuluan në faqen zyrtare fanelën e parë dhe të dytë të sezonit 2020-2021.
“Blutë” premtojnë se këtë sezon do të realizojnë rikthimin në Kategorinë Superiore, ku mungojnë prej 8 vitesh.
Njoftimi i Dinamos
FK Dinamo vishet me “Macron”.
18 herë kampionët e vendit kanë arritur marrëveshjen e bashkëpunimit me përfaqësuesin zyrtar në Tiranë të veshjeve sportive.
Që prej sezonit 2020-2021, blutë do të prezantohen me një imazh ndryshe në fushën e lojës.
Kujtojmë se kompania italiane “Macron” prej disa vitesh ka një bashkëpunim të suksesshëm edhe me kombëtaren shqiptare të futbollit.
Fanellat e reja të Dinamos, shumë shpejt do të jenë edhe në shitje për tifozët blu, pranë dyqaneve “Macron” në stadiumin “Air Albania” dhe “Ring Center”.
PANORAMASPORT.AL
NDIQE LIVE "PANORAMA TV"