FOTO EKSKLUZIVE/ Plas grushti pas ndeshjes Vora-Besëlidhja, përfshihen drejtues, lojtarë dhe tifozë
Ndeshja e vlefshme për grupin A të Kategorisë së Parë, Vora-Besëlidhja, e luajtur sot në kompleksin “Internacional” në Pezë, përfundoi me fitoren 2-1 të ekipit vorak.
FOTO: F.Hazisllari
Mirëpo, pas ndeshjes plasi grushti jashtë fushës. Drejtuesit të të dyja skuadrave, pjestarë të stafit, lojtarë dhe tifozë të pranishëm jashtë rrethimit janë përfshirë në një zënkë masive.
“Panorama Sport” ka siguruar foto të sherrit. Ndërhyrja e forcave të sigurisë ka qetësuar disi situatën, në një kohë që gjithçka doli jashtë kontrollit për disa minuta.
Lezhjanët e mbyllën këtë takim me 10 lojtarë pas ndëshkimit të Hoxhës me karton të kuq. Nuk mungoi as tensioni në fushë, por degjeneroi pasi u mbyll ndeshja.
PANORAMASPORT.AL
NDIQE LIVE "PANORAMA TV"