Formacioni i mundshëm/ Sfida ndaj Junajtid, sa shumë dyshime për trajnerin Pioli
Pragndeshje plot dyshime kjo ndaj Mançesterit për Stefano Piolin. Megjithëse, infermieria është thuajse bosh, trajneri po shfrytëzon minutat e fundit për të përzgjedhur titullarët.
Nga informacionet e fundit, Donaruma do të jetë rregullisht në portën ndërsa Dalo do të luajë në të djathtë pasi Kalabria nuk është ende në formën ideale. Në korsinë e majtë do të luajë Hernandez, ndërsa dyshja e qendrës do të përbëhet nga Kjaer e Tomori, me Romanjolin që mund të ulet në stol.
Kesi dhe Meite do të jenë “diga” e mesfushës, ndërsa dyshimet më të mëdha kanë të bëjnë me sulmin ku Ibra dhe Rebiç kandidojnë për një fanellë titullari. Kruniç, Selemekers e Çalhanoglu e kanë vendin e sigurt.
PANORAMASPORT.AL
NDIQE LIVE "PANORAMA TV"