Flamurtari/ Kthehet sulmuesi, nuk ka pushim për kupën

Panorama Sport | Gazeta me e shitur sportive ne vend

Postuar: Prill 16, 2018 | 15:13

Flamurtari/ Kthehet sulmuesi, nuk ka pushim për kupën

Danilo Alvesh do të jetë plotësisht i gatshëm për ndeshjen me Skënderbeun. Jo më kot, sulmuesi brazilian u la në stol në ndeshjen me Lushnjën për të mos rrezikuar. Alvesh ka një problem të vjetër në gju. Ndërkaq, këtë javë pritet që të kthehet në Vlorë, sulmuesi Tomislav Bushiç. Kroati gjendet në Kroaci ku po rehabilitohet në një klinikë të specializuar, por Bushiç nuk do të jetë i gatshëm. Mungon edhe Kamara.

danilo alvesh

Kupa
Nuk ka pushim për Flamurtarin. Pas fitores në Lushnjë për kampionat, vlonjatët i janë përveshur dje punës. Kuqezinjtë kanë zbritur në pasdite në fushën stërvitore. Flamurtari nisi përgatitjet për ndeshjen me Skënderbeun që do të luhet të mërkurën dhe që është për llogari të Kupës së Shqipërisë. Kjo e fundit është objektiv kryesor për të shpëtuar edhe sezonin e për të marrë pjesë në Kupat e Europës.






www.minuta90.com