Ka qenë një javë ankthi ajo që mbyllim sot. Pas dy humbjeve me Skënderbeun dhe Kukësin, por edhe barazimeve me Teutën e Vllazninë, largimit të trajnerit të sapoemëruar Julian Ahmataj, te Tirana kishte edhe një paralajmërim të fortë. Nëse nuk fitohej derbi, skuadra do të shpërbëhej dhe shumica e lojtarëve do të largoheshin nga ekipi. 

Nuk është shaka, por diçka reale. Presidenti Refik Halili, nga ana e tij, kishte takuar lojtarët dhe, veç fjalëve normale, u kishte bërë të qartë një gjë. Nëse nuk fitonin, për shumicën do të shihej pozicioni në skuadër.

Këtë frikë e kanë shfaqur lojtarët një ditë para derbit, ku shumica e tyre e kanë shprehur haptazi këtë fakt, duke pranuar se nëse humbisnin ndaj Partizanit, mund të mos ktheheshin më te skuadra e kryeqytetit. Lojtarët, duke kuptuar një fakt të tillë dhe rëndësinë e situatës, ia dolën që ta fitonin ndeshjen e së premtes, duke shpëtuar jo vetëm nderin e bardhebluve, por edhe kokat e tyre që ishin në rrezik.

PANORAMASPORT.AL

NDIQE LIVE "PANORAMA TV"

---