“Fitorja me Kazakistanin na gëzoi pa masë”, Duka mesazh ekipit kombëtar: Kujdes të mërkurën!
Presidenti i Federatës Shqiptare të Futbollit Armand Duka përgëzoi ekipin kombëtar shqiptar pas fitores së sotme 3-1 ndaj Kazakistanit në Ligën e Kombeve. Në rrjetet sociale, kreu i futbollit shqiptar i kërkoi skuadrës të realizojë dhe “metrat e fundit”, të fitojë të mërkurën takimin e fundit me rivalin direkt Bjellorusinë për të kapur vendin e parë në grupin 4 të Ligës C.
Mesazhi i presidentit të FSHF-së Armand Duka pas fitores së Shqipërisë ndaj Kazakistanit
Fitorja e sotme ndaj Kazakistanit na gëzoi pa masë ne dhe të gjithë tifozët. Për më tepër, e shoqëruar me lojë të mirë dhe dominim.
Por kujdes! Misioni final përmbushet duke fituar të mërkurën, kundër Bjellorusisë. Ndaj duhet përqendrim maksimal në këto “metra të fundit”. Go Albania!
PANORAMASPORT.AL