“Fitore karakteri”, Kapllani lavdëron lojtarët por paralajmëron: Festojmë vetëm sot sepse…

Panorama Sport | Lajmet e fundit nga sporti

Postuar: Mars 10, 2023 | 18:49

“Fitore karakteri”, Kapllani lavdëron lojtarët por paralajmëron: Festojmë vetëm sot sepse…

Trajneri i Erzenit, Xhevahir Kapllani, e ka cilësuar një fitore karakteri atë të skuadrës së tij, e cila përballej me shumë mungesa në ndeshjen ndaj Egnatias.

bandicam 2023-03-10 18-27-52-414

“Mendoj se e filluam lojën aty ku e lamë para disa ditësh në Ballsh, ishte provë karakteri te sfida e Ballshit. U thashë çunave ku e lamë në Ballsh, ta fillojmë sot me Rrogozhinën. Mendoj se kishim shumë mungesa, por duke pasur parasysh që organika tani ka filluar të plotësohet, djemtë janë heronj. Treguam karakter, durim, vuajtën dhe në fund morën atë që merituan.

Besoj se do na ndihmojë se kampionati ka hyrë në fazë të rëndësishme. Çdo pikë është flori, vinim pas disa ndeshjeve barazim dhe mendoj se kjo fitore do na vlejë duke menduar se na rikthehen 2-3 lojtarë në javën e ardhshme. Shpresoj të vazhdojmë të ecim me këto hapa deri në finish.

Shpresoj të na rikthehet Sadiki e Kadriu, Krasniqi ka nisur stërvitjen e ka bërë hapa të kënaqshëm. Tani duhet të ulim kokë, të festojmë sot por nesër mendojmë për javën e ardhshme se po të mos merrnim pikë do fillonte rreziku e mundohemi të mbajmë presionin sa më larg nga ekipi”, tha Kapllani për “Oversport” pas përfundimit të sfidës.

PANORAMASPORT.AL

NDIQE LIVE "PANORAMA TV"