Fitore bindëse ndaj Tiranës, Flamurtari shpallet kampione për femra
Flamurtari është shpallur kampion në basketboll për femra, pasi ka fituar bindshëm ndaj Tiranës 3-0, në tre takimet finale të zhvilluara. Këtë pasdite, vlonjatet fituan me shifrat 76-65.
Ky është trofeu i 22-të për Flamurtarin, që në këto ndeshje ndaj Tiranës dominoi totalisht.
Flamurtari arriti ta dominojë kampionatin në fazën e dytë, kur mori kreun e renditjes dhe e mbrojti atë deri në fund, ndërkohë që lojërat e mira i tregoi edhe në play off.
Fitorja 3 ditë më parë në finalen e dytë në Tiranë ishte shumë e rëndësishme për rrugën drejt titullit, pasi suksesi arritur në fushën e bardhebluve praktikisht vulosi gjithçka.
Tirana tentoi të bëjë mrekullinë në Vlorë, por pa sukses dhe u dorëzua në periodën e dytë.
NDIQE LIVE "PANORAMA TV"