Fitoi Kupën FA, Arteta: Guardiola ka ndikuar që kur isha 15 vjeç, mendoj se do arrijmë marrëveshje me sulmuesin…
Nuk ka asnjë sezon të plotë në stolin e “Topçinjve” dhe Mikel Arteta fitoi trofeun e parë, atë të Kupës FA për herë të 14-të në historinë e klubit (rekord).
“Një faleminderit shumë e madhe shkon për Guardiolën, sepse unë jam sot trajner për një meritë të madhe prej tij. Ai ka ndikuar tek unë që kur isha 15 vjeç dhe u takuam te Barcelona”, tha tekniku spanjoll, i cili për 3 vite shërbeu si asistenti i trajnerit të katalanasve te Mançester Siti.
“Ky është momenti më i bukur i karrierës sime”, shtoi Arteta, duke shpresuar se ky trofe do ndihmojë në vendimin e kapitenit Obamejang për të rinovuar kontratën me “Topçinjtë”: “Shpresojmë që javën e ardhshme të ketë lajme. Mendoj se do të arrijmë një marrëveshje”.
PANORAMASPORT.AL
NDIQE LIVE "PANORAMA TV"