Finalja e “playout”-it mund të jetë e fundit me Egnatian, Ramadanin e presin në Kosovë
Trajneri i Egnatias, Zekirija Ramadani, i cili numëron tre tituj kampion me tri skuadra të ndryshme në futbollin elitar të Kosovës, mund të largohet nga Rrogozhina pas përfundimit të këtij sezoni.
Sipas mediave shqiptare në Maqedoninë e Veriut, 44-vjeçari nga Shkupi është futur në bisedime me drejtuesit e Gjilanit. Në fakt, Ramadani e mohoi diçka të tillë dy javë më parë kur emri i tij u përmend në Kosovë pas largimit të Ismet Munishit nga Gjilani.
Drejtuesit e skuadrës kosovare kanë kontaktuar edhe me trajnerin aktual të Tiranës, Orges Shehi, por gjasat janë që ky i fundit të rinovojë me bardheblutë dhe prandaj Gjilani është fokusuar te Ramadani.
Egnatia do të luajë një ndeshje shtesë për qëndrimin në Superiore dhe e ardhmja e Ramadanit do të vendoset pas atij takimi (me fituesin e çiftit Korabi-Apolonia).
PANORAMASPORT.AL
NDIQE LIVE "PANORAMA TV"