Finalja e Championsit rikthehet në Stamboll, 15 vite nga ndeshja dramatike Milan-Liverpul
UEFA ka përcaktuar edhe stadiumet ku do të luhen 2 finalet e sezonit të ardhshëm, ajo e Ligës së Kampionëve dhe e Ligës së Europës.
Pas plot 15 vitesh nga finalja e “çmendur” Liverpul-Milan, në stadiumin “Ataturk” të Turqisë do të rikthehet për tu luajtur finalja e Champios Ligë 2019-2020.
Vetëm 6 minuta iu deshën Liverpulit në finalen e zhvilluar në vitin 2005 në Turqi për të barazuar avantazhin e trefishtë të Milanit, dhe për të triumfuar me penallti. Mund ta quajmë me plot gojë një stadium me fat për skuadrën angleze.
Për fat të keq, Milani nuk do të marrë pjesë sezonin e ardhshëm në Ligën e Championsit, ndërsa Liverpuli i ka sërish shanset për të mbëritur në Stamboll. Ndërsa për sa i përket finales së Ligës së Europës ajo është përcaktuar nga UEFA të luhet në “Arena Gdansk” në Poloni.
NDIQE LIVE "PANORAMA TV"