Atmosfera në kampin kolonjar duket mjaft pozitive. Situata financiare pritet të ndryshojë, pasi donatorë të ndryshëm po shprehin dëshirën për ta ndihmuar Gramozin.

Nga drejtuesit e klubit bëhet me dije se zgjedhja e një presidenti është shumë afër. Me shumë interes në qytetin e Ersekës është pritur fakti që biznesmeni kolonjar, Edmond Bllako, është gati të kontribuojë për ekipin e futbollit. Lëvizja e parë e tij është sigurimi i bazës materiale.

“Këtë sezon jemi me vonesë dhe na duhet të krijojmë një ekip për qëndrimin në Kategorinë e Dytë. Sezonin e ardhshëm do të shohim që të ngjitemi më lart”, ka thënë Bllako, i cili ka biseduar me trajnerin Ilir Qirjako për problemet që e shqetësojnë ekipin. Sezonin e ri Gramozi do të mbështetet te lojtarët vendës.

KOÇO LILO – PANORAMASPORT.AL

NDIQE LIVE "PANORAMA TV"

---