Postuar: Qershor 20, 2018 | 16:47
Feronikeli i Starovës pa “frena” në merkato, rrëmben edhe… Gavazajn
Feronikeli në Superligën e Kosovës, duket se po përgatit një skuadër mjaft të fortë për sezonin e ri. Me çelësat e ekipit që ia ka besuar Sulejman Starovës, klubi ditën e sotme ka prezantuar edhe një tjetër futbollist.
Skuadra nga Drenasi, ka firmosur me Alush Gavazajn për sezonin e ardhshëm. Ky i fundit është larguar nga Liria e Prizrenit, skuadër me të cilën luajti sezonin që lamë pas. 23-vjeçari, është aktivizuar më parë në Superiore edhe me Tiranën, Bylisin, Tërbunin e Korabin.
