Gruaja e Novak Xhokoviç, Jelena, ka thyer heshtjen teksa tenisti Novak Xhokoviç vazhdon betejën e tij ligjore për të luajtur në “Australian Open”.

Në një postim në Twitter të premten, Jelena shkroi: “Sot janë Krishtlindjet për ne (ortodoksët), dëshirat e mia janë që të gjithë të jenë të shëndetshëm, të lumtur, të sigurt dhe së bashku me familjet. Urojmë që sot të jemi të gjithë bashkë, por lutja ime është që të paktën të jemi të shëndetshëm. Dhe ne do të rritemi nga kjo përvojë. Faleminderit të dashur njerëz, në mbarë botën që përdorët zërin tuaj për t’i dërguar dashuri burrit tim. Po marr frymë thellë për t’u qetësuar dhe për të gjetur mirënjohje (dhe mirëkuptim) në këtë moment për gjithçka që po ndodh”, shprehet Jelena.

“I vetmi ligj që ne të gjithë duhet të respektojmë përtej çdo kufiri është dashuria dhe respekti për një qenie tjetër njerëzore. Dashuria dhe falja nuk janë kurrë një gabim, por një forcë e fuqishme”, shprehet ajo.

Të enjten, kryeministri Scott Morrison zbuloi se viza e Xhokoviçit ishte anuluar sepse ai “nuk i plotësonte kërkesat e hyrjes”. Tenisti është duke u strehuar në një hotel ku mbahen emigrantët dhe refugjatët në Melburn, por ministrja e Punëve të Brendshme Karen Andrews këmbëngul se ai është i lirë të largohet nëse dëshiron.

“Z. Xhokoviç nuk po mbahet rob në Australi, ai është i lirë të largohet në çdo kohë që ai zgjedh ta bëjë këtë dhe Forcat Kufitare do t’i lehtësojnë punën”, tha ajo.

Ndërsa babai i Xhokoviçit këmbëngul se ai “mbahet në robëri… për të nëpërkëmbur gjithë Serbinë dhe popullin serb”.

PANORAMASPORT.AL

NDIQE LIVE "PANORAMA TV"

---