Mbrojtësi i majtë i Anglisë, Ljuk Shou, ka luajtur me brinjë të thyera në “Euro 2020” në tri ndeshjet e fundit kundër Ukrainës, Danimarkës dhe Italisë. Ylli i Mançester Junajtidit ishte një prej më të mirëve në skuadrën e Garet Sauthgejtit këtë verë, duke shënuar edhe golin në finalen kundër Italisë dhe dhuruar 3 asiste në 6 ndeshje.

Por, sipas “The Telegraph”, 26- vjeçari është dëmtuar kundër Gjermanisë në 1/8- at dhe ndeshjen çerekfinale kundër Ukrainës, Danimarkës në gjysmëfinale dhe finalen me Italinë, i ka luajtur me fraktura në brinjë, duke shtrënguar dhëmbët për skuadrën. Mbrojtësi vijon të jetë me pushime dhe Mançester Junajtid do ta vizitojë atë me t’u rikthyer në grumbullim.

Vetëm atëherë do të kuptohet nëse ai do të humbasë ndonjë ndeshje të sezonit që për “Djajtë e Kuq” nis më 14 gusht, me javën e parë kundër Lidsit.

PANORAMASPORT.AL

NDIQE LIVE "PANORAMA TV"

---