“Është një nga ato gjëra që nuk më lejon të fle natën”. Kjo ishte përgjigja e Kike Setienit kur u pyet se cili duhet të jetë titullar përkrah Xherard Pikesë në mbrojtjen e Barcelonës. Klemo Lengle dhe Samuel Umtiti luftojnë për të qenë partneri i ish-talentit të La Masia.

Në ndeshjen kundër Napolit, Setien zgjodhi Umtitin. Po të dielën në “El Clasico”? Trajneri i katalanasve ishte në “Bernabeu” gjatë ndeshjes Real-Siti të mërkurën dhe dilema e tij pritet të jetë qartësuar disi edhe pse duket shumë e vështirë.

Lengle dhe Umtiti kanë luajtur praktikisht thuajse njëlloj që kur Setien zëvendësoi Valverden dhe vetëm njëherë kanë qenë së bashku në fushë, në fitoren 3-2 ndaj Betisit, kur Pike ishte i pezulluar. Lengle është aktivizuar vetëm 48 minuta më shumë se bashkatdhetari i tij.

Por Umtiti mund të shpresojë ta fitojë balotazhin të dielën edhe prej një tregues jo pak të rëndësishëm: në ndeshjet e mëdha i preferuari është ai.

PANORAMASPORT.AL

NDIQE LIVE "PANORAMA TV"

---