Erzeni nuk di të ndalet! Skuadra shijakase që drejtohet nga Nevil Dede, siguron shërbimet e një tjetër lojtari nga Kategoria Superiorja.

Bëhet fjalë për Xhuljo Mehmetin, i cili zyrtarisht ka nënshkruar edhe kontratë. Ish-mesfushori i Kastriotit për dy vitet e ardhshme do të jetë pjesë e ekipit shijakasit. Pak ditë më parë pjesë e organikës u bë edhe Orian Xhemalaj, i cili erdhi nga Egnatia. Për të është një rikthim, pasi ka luajtur edhe më herët në Shijak.

Ndërkohë për sa i përket prapavijës, Erzeni, ka arritur të sigurojë shërbimet e Xhorxhi Boçit që vjen nga radhët e Dinamos dhe është venë nën urdhrat e trajnerit Dede.

PANORAMASPORT.AL

NDIQE LIVE "PANORAMA TV"

---