Mbrojtësi shqiptar nga Maqedonia, Ertan Demiri, ka nënshkruar të hënën një kontratë 2-vjecare me klubin e kuq. Ai ka lindur më 24 janar 1979 dhe është një futbollist me shumë eksperiencë, që ka luajtur në Maqedoni me FK Shkëndija 79 së fundi. Demiri u lind në Çair, Shkup, ku u rrit dhe u formua si futbollist, derisa regjistrohet fillimisht me FK Sloga Jugomagnat, klub futbolli i bazuar në Çair.
Karriera në Maqedoni  Demiri qëndroi në Sloga Jugomagnat për pesë vjet, duke luajtur 78 ndeshje dhe shënuar tre gola. Ai e ndihmoi Slogën të fitojë ligën e parë maqedonase. Pas këtij momenti të suksesshëm, Demiri u largua dhe iu bashkua një tjetër klubi të Shkupit, FK Vardar. Aty luajti 42 ndeshje dhe shënoi dy herë. Në fund të sezonit 2007, Demiri u zhvendos te rivalët e FK Rabotnički, ku u aktivizua për një sezon dhe luajti 26 ndeshje. Në këtë “stacion” të karrierës e ndihmoi ekipin e vet të fitojë edhe Kupën e Maqedonisë dhe ligën e parë maqedonase. Demiri ishte gjithashtu anëtar i rëndësishëm i skuadrës dhe pati një ndikim të konsiderueshëm gjatë periudhës kualifikuese të Kupës UEFA. Ai shënoi një gol kundër ND Gorica në ndeshjen e dytë dhe dha një ndihmesë të madhe për triumfin kundër HSK Zrinjski Mostar. Demiri, po ashtu, kishte një ndikim të fortë në ndeshjen kundër skuadrës së Premier Ligës angleze, Bolton Wanderers.
Qasja agresive e Demirit në mbrojtje e ndihmoi shumë Rabotničkin në sfidën kundër Boltonit. Pas sezonit të tij në FK Rabotnički, Demiri u zhvendos jashtë vendit, për të luajtur me Lokeren të Belgjikës.
Kalimi te Lokeren Demiri la kampionatin e Maqedonisë për të kaluar në ligën belge të futbollit në sezonin 2009-2010. Megjithatë, nuk u përshtat në këtë eksperiencë të huaj. Ai luajti 9 ndeshje me skuadrën belge dhe u largua prej saj në vitin 2010. Pas aktivizimit të shkurtër me Al Taawon dhe Bylisin e Ballshit, Demiri u kthye në ligën e Maqedonisë, duke u bashkuar me FK Teteks. Gjatë pushimit të dimrit të sezonit 2011-2012, Demiri u zhvendos tek rivalët e FK Shkëndijës.
Karriera Ndërkombëtare Demiri ka bërë një paraqitje edhe për ekipin kombëtar maqedonas, duke luajtur kundër Moldavisë në një miqësore ndërkombëtare. Ai ishte zëvendësues i papërdorur i Republikës së Maqedonisë në një ndeshje kualifikuese për “FIFA Ëorld Cup 2010” kundër Skocisë, më 6 shtator 2008.

 

 

 

“Pasaporta”, Ertan Demiri
Personal information
Datëlindja	24 janar 1979 (34 vjec)
Vendlindja	Shkup, Mqedoni
Gjatësia	1.81 m
Pozicioni	Mesfushor-mbrojtës
Klubet
Klubi i fundit	KF Shkëndija
Numri fanellës	4
Karriera me të rinjtë
	FK Sloga Jugomagnat
Karriera me të rriturit
Viti	Skuadra	Ndeshje	Gola
1999-2004	Sloga Jugomagnat	78	(3)
2005-2007	Vardar Skopje	42	(2)
2007-2008	Rabotnicki Skopje	26	(0)
2008-2010	Lokeren	9	(0)
2010	FK Metalurg Skopje	12	(0)
2011	Al Taaëon	8	(0)
2011	KS Bylis Ballsh	1	(0)
2011-2012	FK Teteks	11	(0)
2012-	KF Shkëndija	30	(0)
Karriera me kombëtaren
2007	Maqedonia	1	(0)

 

NDIQE LIVE "PANORAMA TV"

---