Padyshim që sulmuesi i Kombëtares, Eros Grezda dhe modelja, Oriola Marashi janë një ndër çiftet më interesante dhe ndër më të komentuarit gjatë kësaj periudhe.

Pandemia bëri që çifti ta kalonin karantinën sëbashku dhe pas daljes nga izolimi vendosën të mos fshihen më. Madje Eros konfirmoi hapur lidhjen me Oriolën.

Në rrjete sociale nuk kanë munguar fotot e videot nga i njëjti vend dhe duket se ata kanë kaluar kohën më të bukur me njëri-tjetrin në izolim.

Më në fund sot Oriola ka postuar një foto me Erosin, ku pozojnë të dy të përqafuar, teksa ka vendosur mbi foto edhe një ëngjëll.

Ndonëse fytyrën e futbollistit ajo ka zgjedhur të mbulojë me një emoji, pjesa e gojës e identifikon atë qartazi.