Erdhi me bujë në Korçë, por ish-sulmuesi akuzon: Nuk mora asnjë kacidhe, vuaja për të…

Panorama Sport | Lajmet e fundit nga sporti

Postuar: Korrik 19, 2018 | 12:50

Erdhi me bujë në Korçë, por ish-sulmuesi akuzon: Nuk mora asnjë kacidhe, vuaja për të…

Martin Nespor erdhi në fundin e verës së kaluar në Korçë dhe u prezantua  si një blerje e bujshme për Europën. Çeku megjithatë nuk arriti të ishte brenda pritshmërive.

Nespor-470x261

Ai shënoi vetëm 3 gola, dhe të treja këto në një ndeshje së Kupës së Shqipërisë ndaj Mamurrasit. Në Superiore ai numëroi vetëm 11 minuta të luajtura, ndërsa në Ligën e Europës 22 minuta. Nespor, në shifra të përafërta i kushtoi Skënderbeut 1 mijë euro për çdo minutë që luajti. Çeku tashmë është pjesë e ekipit Sigma Olomuc. Në një intervistë për mediat vendase ai tregon se Shqipëria ka qenë një makth për të.

Nespor-Sigm

“Pas një sezoni aq të keq mendova edhe tërheqjen nga futbolli. Për fat Sigma besoi tek unë dhe shpresoj të funksonojë. Do të vihem në provë dhe do të stërvitem fort për të treguar se vlej. Në Shqipëri nuk mora asnjë kacidhe dhe isha në ankth për të siguruar ushqimin. Është një eksperiencë jetësore. Them se duhet ta provojë çdokush për të kuptuar gjërat që ka. Ajo eksperiencë me ndryshoi shumë”, u shpreh Nespor për mediat çeke, duke akuzuar kështu klubin e Skënderbeut.

NDIQE LIVE "PANORAMA TV"