Deri në 15 milionë paund do të arrijnë në total shpërblimet e lojtarëve të Mançester Sitit në rast të një triumfi në Champions këtë sezon. “Qytetarët” janë favoritë për të siguruar një biletë në çerekfinale pas suksesit 2-1 në Madrid në ndeshjen e vajtjes së 1/8-ave. Dhe në rast se sot do të eliminojnë Realin, atëherë në çerekfinalen në Lisbonë më 15 gusht do të gjejnë një mes Juventusit ose Lionit.

Por, disa nga yjet e skuadrës, si Kevin de Bryjne, Serxho Aguero apo David Silva, pritet të marrin një shpërblim të jashtëzakonshëm në rast se do të ngrenë trofeun për herë të parë në historinë e klubit. Siti nuk ka një strukturë bonusesh të barabartë mes skuadrës. Shpërblimet e futbollistëve përcaktohen individualisht në kontratat e tyre. Dhe ato nisin nga 400 mijë paund për lojtar, deri në 1 milion paund. Champions-i është i vetmi trofe që Guardiola nuk ka fituar në “Etihad” dhe ai nuk ka shkuar përtej fazës çerekfinale në 3 sezone. Megjithatë, këtë vit skuadra e tij konsiderohet favorite për të triumfuar në Lisbonë, së bashku me Bajernin e Mynihut. Kështu që, kënaqësia për të siguruar trofeun historik të Ligës së Kampioneve për “Qytetarët” do të motivohet edhe prej shpërblimeve marramendëse që klubi milioner ka vendosur për yjet e tij

PANORAMASPORT.AL

NDIQE LIVE "PANORAMA TV"

---