Milani po kalon një periudhë shumë të vështirë në këtë sezon, teksa paraqitjet e treguara janë larg pritshmërive dhe kualifikimi për në Ligën e Kampionëve tashmë duket shumë i vështirë.

Vetëm pak kohë më parë drejtuesit kuqezi, shkarkuan nga posti i trajnerit Marko Xhampaolon, për shkak të rezultateve të dobëta dhe në vendin e tij emëruan Stefano Piolin. Ndonëse skuadra nën drejtimin e këtij të fundit ka bindur me lojë, përsëri rezultatet pozitive po mungojnë.

Sipas asaj që shkruan “Tuttosport”, tashmë Maldini po mendon që të emërojë në stolin e skuadrës, Karlo Ançelotin. Ky i fundit është shumë afër shkarkimit nga stoli i Napolit pas problemeve të shumta në kampin e të kaltërve.

Pikërisht nga kjo kërkon të përfitojë drejtori teknik i kuqezinjve, i cili po mendon që në verë t’i besojë pikërisht drejtimin e skuadrës, Ançelotit. Për teknikun italian do të ishte një rikthim te “Djalli”, ku qëndroi nga 2001 deri në 2009, ku bëri historinë, duke fituar edhe 2 Liga të Kampionëve.

PANORAMASPORT.AL

NDIQE LIVE "PANORAMA TV"

---