Antonio Kasano rrallëherë ka elozhe, aq më pak për Luçiano Spaletin me të cilin ka pasur shpesh fërkime në distancë apo të cilin e ka kritikuar publikisht. Por ish-sulmuesi italian, sot ka folur shumë pozitivisht për teknikun e Napolit, skuadër e cila po kryeson futbollin në Itali.

“Spaleti ka fituar që tani, i bëj komplimentet e mia. Ai ia doli që të krijonte një ekip dhe po vendos pikat mbi i për shumë lojtarë të grupit, më i rëndësishmi është Osimhen.

Spaleti mund ta mbyllë edhe në vendin e katërt këtë kampionat, por ai për mua ka fituar. Ka krijuar diçka speciale në një qytet që meriton shumë”, tha Kasano duke folur në atë që është bërë takimi i përjavshëm në “Bobo TV”.

PANORAMASPORT.AL

NDIQE LIVE "PANORAMA TV"

---