EKSKLUZIVE/ Luftëtari vendos për trajnerin, Bylisi projekton goditjen e parë
Zhvillime në Gjirokastër dhe Ballsh në orët e fundit. “Panorama Sport” zbulon se Luftëtari pritet t’i besojë stolin Neritan Novit. Ai ishte komanduar në pankinë për dy ndeshjet e fundit, por drejtuesit kanë menduar që të jetë zyrtarisht trajneri i ri.
Nesër skuadra do të nisë stërvitjen në Gjirokastër dhe do të drejtohet pikërisht nga Neritan Novi si trajner i parë dhe ndihmësi Dritan Kristidhi, i cili mban detyrën e përgatitësit të portierëve.
Ndërkohë, Bylisi projekton si goditje të parë në merkato mesfushorin serb, Tarik Cmajcanin. Gazeta zbulon se lojtari ka qenë sot në Ballsh dhe në orët në vijim pritet të zyrtarizohet marrëveshja mes palëve.
Tarik ka luajtur dy sezone më parë te Teuta, ndërsa kampionatin e kaluar te Ballkani në Kosovë.
PANORAMASPORT.AL
NDIQE LIVE "PANORAMA TV"