EKSKLUZIVE/ Kukësi “blindon” portën, vjen 24-vjeçari që ka dalë nga akademia e Juventusit
Kukësi “blindon” portën për sezonin 2020-2021. Entonjo Elezaj është afrimi më i ri i klubit verilindor. “Panorama Sport” mëson nga burime të sigurta në klub se sot është arritur marrëveshja me 24-vjeçarin shqiptar, i cili është prodhim i akademisë së Juventusit.
Elezaj ka qenë pjesë e Kombëtareve të moshave kuqezi, madje edhe kur trajneri aktual i Kukësit, Skënder Gega, drejtonte Shqipërinë U-19. Përveç të rinjve të Juventusit, Elezaj është aktivizuar edhe në skuadra italiane të Serisë B dhe C si Lançiano, Pro Verçeli, Peruxhia, Rasing Fondi dhe Katanzaro. Në sezonin e fundit ka qenë pjesë e klubit nga Malta, Sliema Uanderers, ku deri në mars kur u ndërprenë aktivitetet kishte luajtur 7 ndeshje.
Sot i shoqëruar nga menaxheri i tij, Sergio Mesi, portieri u takua me drejtuesit e Kukësit dhe arriti marrëveshjen për një sezon me opsion rinovimi. Tashmë Kukësi ka katër portierë si Dashamir Xhika, Angelos Tafa, Entonjo Elezaj dhe Jetmir Basha.
PANORAMASPORT.AL
NDIQE LIVE "PANORAMA TV"