EKSKLUZIVE/ Jep dorëheqjen trajneri i Kategorisë së Parë, zbulohen prapaskenat
Besa mbetet pa trajner. Humbja ndaj Egnatias me rezultatin 0-2, i ka kushtuar stolin teknikut të mirënjohur, Artan Mërgjyshi. “Panorama Sport” mëson se 52-vjeçari nuk do të jetë më pjesë e skuadrës kavajase, teksa ka dhënë dorëheqjen, për shkak se skuadra e tij nuk arriti objektivat sezonale, që ishte ngjitja në Kategorinë Superiore.
Këtë sezon skuadra verdhezi ka arritur të sigurojë 21 pikë, duke u renditur në vendin e 4-t, me 8 pikë më pak se Pogradeci i vendit të tretë.
ÇFARË DEKLAROI MËRGJYSHI PAS NDESHJES:
Besa humbi me Egnatian dhe sipas Artan Mërgjyshit, kjo erdhi prej episodeve. “Ishte një ndeshje krejtësisht e barabartë. Diferenca e vetme qëndroi në faktin se Egnatia diti t’i shfrytëzonte dy rastet e vetme që krijoi. U përpoqëm të reagonim për mungesat e Peqinit dhe Kukajt. Shtoju këtyre edhe stolin e mangët që kemi dhe nuk ia arritëm të dilnim dot në lojën tonë. Pas kësaj humbjeje ekziston vetëm shansi teorik që ne të arrijmë vendin e dytë”, u shpreh trajneri i kavajasve.
FERIZ FERIZAJ – PANORAMASPORT.AL
LEXO EDHE: