Postuar: Shtator 25, 2019 | 13:03
EKSKLUZIVE/ Flamurtari rikthen sulmuesin, ja kush nisi sot stërvitjen me vlonjatët
Një rikthim tepër i rëndësishëm te Flamurtari, në këtë moment tepër të vështirë që klubi vlonjat po kalon. Bëhet fjalë për sulmuesi Andi Ribaj. 29-vjeçari i është bashkuar ditën e sotme skuadrës, teksa është vënë nën urdhrat e trajnerit Sadedini.
Ribaj ishte pjesë e Flamurtarit edhe sezonin e kaluar, ndërkohë që prej muajsh ishte futbollist i lirë, teksa fillimisht vendosi të mos rinovonte me kuqezinjtë.
Mesa duket drejtuesit e klubit vlonjat kanë arritur të bindin sulmuesin që të rikthehet për të veshur fanellën e qytetit të tij të lindjes. Me rikthimin e Ribajt, reparti ofensiv i Flamurtarit duket i konsoliduar.
PANORAMASPORT.AL
NDIQE LIVE "PANORAMA TV"